İstanbulda 28 mənzili var

Türkiyəli müğənni Bülənt Ərsoy bu dəfə sərvəti ilə gündəmə gəlib.

İfaçının sahib olduğu sərvət "Pulum çoxdur, xərcləməyə yer axtarıram" açıqlaması ilə yenidən maraq oyadıb.

Bildirilib ki, Ərsoy təkcə İstanbulda 28 mənzilə sahibdir. Bundan başqa, Türkiyənin müxtəlif bölgələrində yerləşən 4 ultra lüks villa da onun daşınmaz əmlak siyahısına daxildir. Bodrum, Antalya və İzmirdə bağ evləri də müğənninin mülkləri arasındadır.

Bülənt Ərsoyun ən diqqətçəkən sərmayələrindən biri Marmarisdə yerləşən şəxsi adasıdır. Bundan əlavə, sənətçinin Fəthiyədə yanacaqdoldurma məntəqəsi, İstanbulun Fənərbağça ərazisində isə xüsusi sauna biznesi olduğu bildirilir.

B.Ərsoyun sərvəti təkcə daşınmaz əmlakla məhdudlaşmır. Onun nağd və zinət əşyalarının dəyərinin 60 milyon dollardan çox (təqribən, 102 milyon manat) olduğu deyilir.