Ledi Qaqa bal ayı keçirir

Amerikalı müğənni Ledi Qaqanın şəxsi həyatı ilə bağlı yeni iddia ortaya çıxıb.

İfaçının biznesmen Maykl Polanski ilə gizli şəkildə evləndiyi və hazırda bal ayı keçirdiyi ehtimal olunur.

Mənbənin sözlərinə görə, Ledi Qaqanı bir aydan çoxdur ki, yaxın çevrəsindən heç kim görməyib və ondan xəbər almayıb. İddialara əsasən, müğənni Polanski ilə birlikdə uzaqlaşıb və uşaq sahibi olmağa hazırlaşır.

Ledi Qaqa və Maykl Polanski 2024-cü ildə nişanlanıblar. Müğənni həmin ilin oktyabrında müsahibələrinin birində sevdiyi şəxslə sadə şəkildə nikaha girmək istədiyini söyləmişdi.

Xatırladaq ki, Ledi Qaqa 2026-cı ilin martında Bruno Marsın radio proqramında Polanski ilə toyunun tezliklə baş tutacağını açıqlamışdı.