“Gəlirəm” yutubun dünya trendində

Xalq artisti Aygün Kazımova və meyxana ustadı Namiq Qaraçuxurlunun “Gəlirəm” adlı dueti yutubun dünya trendinə düşüb.

Mahnı qlobal trenddə 124-cü pillədə qərarlaşıb.

Bununla yanaşı, cəmi 10 gün ərzində “Gəlirəm”ə 4 milyona yaxın baxış gəlib. Mahnı yutubda həm musiqi kateqoriyasında, həm də ümumi videolar üzrə liderlik edir.

“Gəlirəm” TikTok-da da böyük maraqla qarşılanıb. Mahnı ilə hər gün on minlərlə video paylaşılır. Hazırda 215 mindən çox video “Gəlirəm” səsindən istifadə olunaraq yayımlanıb.

Qlobal trendə daxil olan mahnı Gürcüstanda 6-cı, Rusiyada isə 17-ci pillədədir.