Əməkdar artist efir üçün darıxdı - foto

Əməmkdar artist Tünzalə Əliyeva efir üçün darıxdığını bildirib.

Mtv.az xəbər verir ki, xərçəngdən əziyyət çəkən aktrisa deyib: "Xəstəliklə insan dünyasını dəyişmir. Deyib-gülməyə çalışıram. İnsan gününü yaşamalıdır. Yoxsa xəstəlik səni yıxar. Ancaq pozitiv olmağa çalışıram. Çox hərəkətdə ola bilmirəm. Amma çox darıxmışam efir, rollar üçün. İrəvan Teatrında işə başladım. İki dəfə səhnəyə çıxmışam".

"Toppuş bacı" ləqəbi ilə tanınan Tünzalə Əliyeva xeyli çəki atdığını və daha arıqlamaq istəmədiyini söyləyib. 

O, həyat yoldaşı Röyalla ayrılma xəbərlərinə münasibət bildirib: "Allah bütün ailələri qorusun, qadınlara həyat yoldaşımın məni sevdiyi qədər sevgi qismət etsin. Eləcə də, mənim onu sevdiyim qədər sevgi qismət etsin. Tanınmışlar içərisində bəlkə də yeganə gəlinəm ki, qayınanası ilə ana-bala kimiyik. Hətta qayınatamla nərd də oynayıram. Hamıya bizimki kimi məhəbbət arzulayıram. Biz əl-ələ tutub hər zaman deyirik ki, həyatımız yaxşı olacaq. Çox xoşbəxt bir ailəyik".

Xatırladaq ki, aktrisa arıqlamaq üçün mədəsini kəsdirmişdi.