Teatrsevərlər “Dejavü”ya baxacaqlar

Azərbaycan Dövlət Pantomima Teatrı noyabrın 9-da “Dejavü” adlı tamaşasını teatrsevərlər üçün təqdim edəcək.

Mtv.az xəbər verir ki, tamaşanın müəllifləri teatrın gənc aktyorları Səbinə Hacıyeva və Bəhruz Əhmədlidir.

Səhnə əsərinin müəllifləri həm tamaşaya quruluş verib, həm də rolları ifa edəcəklər.

İki nəfərlik tamaşanın musiqi tərtibatçısı isə Əməkdar artist Elman Rəfiyevdir.

Xatırladaq ki, səhnə əsəri kişi və qadın mövzusundan bəhs edir.