Əməkdar artistin yaradıcılıq gecəsi keçirilib

Əməkdar artist Nuriyyə Hüseynovanın yaradıcılıq gecəsi keçirilib.
Beynəlxalq Muğam Mərkəzində düzənlənəcək gecədə Nuriyyə xanımın sənət və pedaqoji fəaliyyətindən söhbət açılıb, ictimai xadim olaraq Azərbaycan musiqisinin beynəlxalq miqyasda uğurlu təbliği barədə danışılıb.
Konsertdə Əməkdar artist Nuriyyə Hüseynovanın repertuarından əlavə, öz bəstələrinə də yer verilib. Müxtəlif sənətçilər, həmçinin, Nuriyyə xanımın yetişdirdiyi tələbələri onun bəstələdiyi mahnıları ifa ediblər.
Bədii gecədə Nuriyyə Hüseyovanın bəstələrinin toplandığı kitab da təqdim olunub. Tədbirdə Əməkdar artistə Azərbaycan Respublikası Müdafiə Nazirliyinin Fəxri fərmanı təqdim olunub.
Gecədə biri-birindən gözəl ifalarla Nuriyyə xanım qonaqları sözün əsl mənasında musiqinin ağuşuna alıb. Onun hər səhnə çıxışı gurultulu alqışlarla qarşılanıb.