Möhtəşəm gecəyə hazırlıq gedir

Şair-bəstəkar Xanım İsmayılqızının iyunun 4-də Heydər Əliyev Sarayında keçiriləcək “Ömrün Xanım Fəsli” adlı yaradıcılıq gecəsinə məşqlər artıq başlayıb.

Xanım İsmayılqızı bir çox maraqlı anların yaşanacağı gecədə tamaşaçılara sürprizlər hazırlandığını bildirib. Bəstəkarın yeni əsərləri də səsləndiriləcək. 

Məşq zamanı lentə alınan görüntülərdən bir parça rejissor Nail Naiboğlu yayımlayıb. Görüntüdə müğənni Çinarə Məlikzadənin konsertdə mərhum Xalq artisti İlhamə Quliyevanın repertuarında olan məşhur "Unut məni" mahnısını oxuduğu yer alıb.

Konsert üçün xüsusi səhnə də  qurulacaq. Tədbirin rejissoru Nail Naiboğludur.