“Çağır məni” fərqli tərzdə - VİDEO

Gənc artist Nuran mərhum Əməkdar artist Baloğlan Əşrəfovun repertuarına müraciət edib.

Nuran Elvin Elxanın layihə rəhbərliyi ilə mərhum sənətçinin məşhur “Çağır məni” bəstəsinə yeni nəfəs verib. 

Müğənninin öz tərzinə uyğun formada səsləndirdiyi mahnının musiqi prodüseri Nihad Məlikov, ifaçının vokal kouçu həmkarı Elçin Cəfərov olub. 

Fəaliyyətə başladığı ilk gündən stili ilə diqqət çəkən artist imicini dəyişib. O, layihədən öncə sarı saçları ilə vidalaşıb. Sənətçinin sayca 4-cü klipi olan “Çağır məni” rəsmi yutub kanalında paylaşılıb. 

İfaçı layihəsi haqqında danışarkən bildirib ki, mahnını ifa etmək üçün Əşrəfovun ailə üzvlərindən icazə alınıb.

Bu, Nuranın təqdim etdiyi 5-ci mahnıdır. O, bundan öncə “Şıkı şıkı baba”, “Salamat qal, “Rədd ol” və “Fəda” adlı sinqllarını dinləyicilərinin ixtiyarına verib.

Onu da xatırladaq ki, “Çağır məni” mahnısının sözləri Əməkdar incəsənət xadimi Vidadi Babanlıya, musiqisi məhz Baloğlan Əşrəfovun özünə məxsusdur.