Dima Bilanı heyran edib

Rusiyanın Birinci Kanalında sentyabrın 9-dan "Səs" vokal şousunun 11-ci mövsümünə start verilib.

Münsiflər heyəti arasında Rusiyada məşhurlaşan azərbaycanlı müğənni Coni (Cahid Hüseynli) də yer alıb. 

Layihənin iştirakçılarından biri olan Aleksandra Tatoksina kor dinləmələrdə Stinqin repertuarından "Səhra gülü" hitini oxuyub. Qızın ifasına heyran qalan Coni səhnəyə gedərək, onun qarşısında diz çöküb. İfaçı daha sonra Aleksandraya qoşularaq mahnını ifa edib. Coni həmin an muğam səsləndirib. 

Onların bu ifası digər münsif Dima Bilanı da heyran edib.

Aleksandra münsiflərin seçimi ilə yarışmada çıxışını davam etdirəcək.