“Avroviziya-2025”ə 154 mahnı göndərilib

Artıq bir neçə gündür "Avroviziya" beynəlxalq mahnı müsabiqəsinin Azərbaycanda rəsmi yayımçısı olan İctimai Televiziya və Radio Yayımları Şirkəti (İTV) İsveçrədə keçiriləcək “Avroviziya-2025” mahnı müsabiqəsində ölkəmizi təmsil edəcək ifaçı və mahnı seçiminə başlayıb.

Bu günə qədər müsabiqə üçün 154 mahnı göndərilib. Bu il "Avroviziya 2025" mahnı müsabiqəsində iştirak şansı üçün 154 mahnı müraciəti qeydə alınıb. Sevindirici haldır ki, ötən il ilə müqayisədə yerli musiqiçilərin müraciət nisbəti 43 faizdən 49 faizə yüksəlib. Hazırda mahnılar ələnmə mərhələsindədir.

Xatırladaq ki, müsabiqə İsveçrənin Bazel şəhərində keçiriləcək. Yarışmanın birinci və ikinci yarımfinalları mayın 13-15-də, final isə mayın 17-də keçiriləcək. Biletlər ilin sonunda satışa çıxarılacaq.  Bu il yarışmanın qalibi "The Code" mahnısı ilə İsveçrə təmsilçisi Nemo olub.