Yuval Rafaeli İsraili təmsil edəcək

"Avroviziya 2025"də yarışacaq daha bir iştirakçının adı bəlli olub.

İsrail ölkəsini yarışmada təmsil edəcək ifaçının adını açıqlayıb.

Yuval Rafaeli adlı müğənninin müsabiqədə hansı mahnını ifa edəcəyi yaxın həftələrdə bəlli olacaq.

“The Jerusalem Post”un məlumatına görə, Y.Rafael 2023-cü il oktyabrın 7-də HƏMAS terrorçularının hücumuna məruz qalan “Nova” festivalında olub. Hücum zamanı o, təxminən 50 nəfərlə birlikdə festivalın keçirildiyi ərazinin yaxınlığında yerləşən bomba sığınacağına gedib. Müğənni sağ qalan 12 nəfər arasında olub.

Müsabiqə İsveçrənin Bazel şəhərində keçiriləcək. Yarışmanın birinci və ikinci yarımfinalları 13-15 mayda, final isə 17 mayda planlaşdırılıb. Gələn il mahnı müsabiqəsi yeni qaydalar əsasında keçiriləcək.

Bu il yarışmanın qalibi "The Code" mahnısı ilə İsveçrə təmsilçisi Nemo olub. 

2023-cü il oktyabrın 7-də Fələstinin radikal HƏMAS hərəkatının silahlı tərəfdarları Qəzza zolağından İsrail ərazisinə soxularaq sərhədyanı kəndlərdə sakinləri öldürüb və 250-yə yaxın insanı girov götürüb.

Hazırda Qəzzada İsrail və HƏMAS arasında atəşkəs razılaşması əldə olunub.