İlk yarımfinal mayın 13-də keçiriləcək

İsveçrənin Bazel şəhərində keçiriləcək yarışmada Azərbaycan birinci yarımfinalın ikinci hissəsində çıxış edəcək.

“Avroviziya 2025” mahnı müsabiqəsinin yarımfinalının püşkatma mərasimi keçirilib. Birinci yarımfinal mayın 13-də keçiriləcək. 

Azərbaycanla birlikdə həmin gün səhnəyə Estoniya, İslandiya, Polşa, Portuqaliya, Sloveniya, İsveç , Ukrayna, Albaniya, Belçika, Xorvatiya, Kipr, Hollandiya, Norveç, San-Marino təmsilçiləri də çıxacaq. 

İkinci yarımfinalda isə Ermənistan, Avstraliya, Avstriya, Yunanıstan, İrlandiya, Latviya, Litva, Monteneqro, Çexiya, Danimarka, Finlandiya, Gürcüstan, İsrail, Lüksemburq, Malta, Serbiya təmsilçiləri yer alacaqlar. 

Xatırladaq ki, yarışmanın ikinci yarımfinalı  mayın 15-də, final isə 17-də keçiriləcək. Bu il mahnı müsabiqəsi yeni qaydalar əsasında keçiriləcək. 2024-cü ildə yarışmanın qalibi "The Code" mahnısı ilə İsveçrə təmsilçisi Nemo olub.