Əməkdar artist solo konsert verir

Əməkdar artist Ədalət Şükürov mayın 13-də keçirilməsi planlaşdırılan solo konsertinə çəkdiyi xərcdən danışıb.

Müğənni teleproqramın birində çox pul xərclədiyini bildirib.

O deyib ki, hər şeyi ən yüksək səviyyədə təşkil etməyə çalışıb: "Gəlib 110 min manata çıxır. 1800 tamaşaçı yeri var. Konsert bahadır. Bu, ekrandan, rejissorlardan, musiqiçilərdən, avadanlıqdan asılıdır. Bir aydan çox musiqiçilər məşq edir. Müğənni var işığa fikir vermir. İşıq var 20, işıq var 25 min manat. Və ya heç işıq qurma. Reklam etməyən, az musiqiçi gətirən az xərcləyəcək. Buna yüksək səviyyədə demək olmaz".