Bolqarıstan qalib oldu - VİDEO

Avstriyanın paytaxtı Vyanada "Avroviziya-2026" beynəlxalq mahnı müsabiqəsinin finalı keçirilib.

"Wiener Stadthalle" arenasının səhnəsində 25 ölkənin təmsilçiləri çıxış ediblər.

Müsabiqənin qalibi "Bangaranga" mahnısı ilə Bolqarıstan təmsilçisi DARA olub. Münsiflər heyəti və tamaşaçı səsverməsinin nəticələrinə əsasən, ifaçı 516 xal toplayıb.

İkinci yeri 343 xalla İsrail təmsilçisi Noam Bettanın "Mishel", üçüncü yeri isə 296 xalla Rumıniya təmsilçisi Aleksandra Kapitaneskunun "Choke Me" adlı mahnısı tutub.

Xatırladaq ki, finalda Azərbaycan özünün 12 xalını İtaliya təmsilçisinə verib. Azərbaycanın səslərini "Avroviziya-2012" iştirakçısı Səbinə Babayeva açıqlayıb.

00:01

Avstriyanın paytaxtı Vyanada beynəlxalq "Avroviziya-2026" mahnı müsabiqəsinin final mərhələsi keçirilir.

"Wiener Stadthalle" arenasının səhnəsində 25 ölkənin təmsilçiləri çıxış edəcəklər.

Mütəxəssislər qalibiyyətə əsas namizəd kimi skripka ifaçısı Linda Lampenius və müğənni Pete Parkkonendən ibarət Finlandiya duetini göstərirlər.

Xatırladaq ki, Azərbaycanı "Just Go" mahnısı ilə təmsil edən JIVA (Cəmilə Haşımova) müsabiqənin final mərhələsinə vəsiqə qazana bilməyib.