Xalq artisti “Leyli və Məcnun”u izləyib

Dahi bəstəkar Üzeyir Hacıbəylinin ölməz əsəri “Leyli və Məcnun” operası yeni quruluşda təqdim olunub.

Tamaşada Leyli obrazını xanəndə Rəvanə Əmiraslanlı canlandırıb. Məcnun obrazını isə Xəyal Hüseynov oynayıb. Rəvanə ona həvalə edilən obrazın öhdəsindən həm ifası, həm də aktrisalıq bacarığı ilə məharətlə gəlib.

“Leyli və Məcnun” yeni təqdimatda bir daha göstərdi ki, bəzi əsərlər zaman keçdikcə köhnəlmir. Sadəcə, hər nəsil onları öz dili, öz hissi və öz Leylisi ilə yenidən danışır.

Bu dəfə isə o hekayəni Rəvanə Əmiraslanlının Leylisi və Xəyal Hüseynovun Məcnunu danışdı.

Tamaşanın quruluşçu rejissoru Əməkdar artist Nicat Kazımov, dirijoru Əməkdar artist Əyyub Quliyev, solo tardakı müşayiətçisi Əməkdar artist Elxan Mansurov, xormeysteri isə Əməkdar incəsənət xadimi Sevil Hacıyeva olub.

Tamaşa təqribən bir ay əvvəl Heydər Əliyev Sarayında nümayiş olunub. 

Tamaşanı izləyənlər arasında Xalq artisti Nəzakət Teymurova və Əməkdar artist Təyyar Bayramov da yer alıb.