Teoman: “Səhnə üçün darıxmışam”

Keçən il səhnədən getdiyini açıqlayan və heyranlarını məyus edən Teoman sürpriz şəkildə musiqiyə geri dönüb.  

      Keçən il səhnədən getdiyini açıqlayan və heyranlarını məyus edən Teoman sürpriz şəkildə musiqiyə geri dönüb. Müğənni“Facebook”dakı şəxsi səhifəsindən tamaşaçıları üçün darıxdığını bildirib. “Səhnəyə geri dönürəm, amma hələlik özümü mahnı yazmağa məcbur etməyəcəyəm. Az və xüsusi diqqətlə hazırlanmış konsertlər verəcəyəm. Bu qərarımı sizinlə bölüşmək istədim”, -deyə ulduz əlavə edib.
     Dünyaca məşhur Dj Armin van Byuren gələn il yeni albom çıxaracaq.Ulduz bununla da kifayətlənməyərək 15 il ərzində təqdim etdiyi bütün musiqi toplularından ibarət qızıl kolleksiyasını sevənlərinin ixtiyarına verəcək. Topluya DJ-in “Mirage”, “İmagine”, “Shivers” və “76” albomları daxil edilib. Kolleksiyanın trans və ümumiyyətlə elektron musiqisini sevənlər üçün çox əhəmiyyətli mənbə olacağı bildirilib.
     BBC kanalının məlumatına görə, müğənni Byork həkimlərin dörd il əvvəl səs tellərində gördüyü şişi lazer əməliyyatı ilə aldırıb. 47 yaşlı islandiyalı ulduz şişi əvvəlcə pəhrizlər və xüsusi idman hərəkətləri ilə idarə etməyə çalışdığını bildirib. O, bu il bir neçə konsertini təxirə salmaq məcburiyyətində qaldıqdan sonra əməliyyat olmağa qərar verdiyini söyləyib. Byork əməliyyatdan sonra üç həftə səssiz qaldığını da əlavə edib. 
     Milyonlarla insanın kumiri, aktyor Ceki Çan kinodan getmək qərarına gəlib. Ulduz təqaüd dövründə xeyriyyə işləri ilə məşğul olmaq fikrindədir. O, əvvəlcə bahalı maşınlarını hərracda sataraq əldə edilən gəliri ehtiyacı olanlara bağışlayacağını bildirib. 12 yaşından filmlərdə çəkilən ulduz heç bir böyük qonorarın onu fikrindən daşındırmayacağını vurğulayıb.

 

Sahilə Aslanova

 

Muz-Tv.az