Röya Stokholmda qalmaqal yaratdı

Stokholmda təşkil olunan xeyriyyə konsertində çıxış etməsi üçün dəvət olunan müğənni Röya Ayxan onu yerləşdirdikləri otelin şəraitsiz olmasına qəzəblənərək tədbirdə iştirak etməkdən imtina edib.  

    Stokholmda təşkil olunan xeyriyyə konsertində çıxış etməsi üçün dəvət olunan müğənni Röya Ayxan onu yerləşdirdikləri otelin şəraitsiz olmasına qəzəblənərək tədbirdə iştirak etməkdən imtina edib. Sonradan ifaçını dilə tutub konsertə gəlməyə razı salsalar da, tamaşaçıların qarşısına çıxan Röya ilk olaraq narazılığını dinləyicilərin nəzərinə çatdırıb. Müğənni növbəti gecəni həmin oteldə keçirməyəcəyinə ümid etdiyini vurğulayıb.
    Xalq artisti Faiq Ağayevin Heydər Əliyev Sarayında verəcəyi konsertin günü bəlli olub. Dekabrın 27-dən 30-dək keçirilməsi nəzərədə tutulan tədbirin adı “Vida" adlanır. 4 hissəli konsertdə tamaşaçılar estradaya gəldiyi ilk gündən bu günə qədər olan fərqli Faiq Ağayevi görəcəklər. Tədbirin ümumi büdcəsinin 250 min manat civarında olduğu deyilir. Qeyd edək ki, xalq artisti yaxın günlərdə bununla bağlı jurnalistlərlə görüş keçirəcək.
    Repçi Aid dekabrın 16-da yeni “Yaş gəlir” albomunu təqdim etməyə hazırlaşır. Bundan başqa, ifaçının elə həmin gün “Beş günlük dünya” adlı solo konsertini də reallaşdıracağı gözlənilir. Repçinin tədbirdə bütün populyar hitlərini səslənəcəyi bildirilir. “Bütün mahnılar canlı ifa ediləcək. Mənimlə birlikdə məşhur müğənnilər də çıxış edəcəklər.”, -deyə repçi müsahibəsində söyləyib. Həmçinin, konsert çərçivəsində Aidin Miri Yusiflə yeni duetini təqdim edəcəyi də deyilir.

 

Sahilə Aslanova

 

Muz-Tv.az