Sergey Lazarev ağır xəstədir

Rusiyalı müğənni Sergey Lazarev artıq uzun müddətdir ağır xəstəliklə mübarizə apardığını söyləyib.  

   Rusiyalı müğənni Sergey Lazarev artıq uzun müddətdir ağır xəstəliklə mübarizə apardığını söyləyib. İfaçı normal yata bilmədiyini, bunun nəticəsində də əsəblərinin həddən artıq gərildiyini bildirib. “Nə gecə, nə də səhər yata bilmirəm. Yalnız təyyarələrdə və maşınlarda yuxulayıram. Əsəb sistemim məhv olub. Müalicəyə ehtiyacım var”-, deyə müğənni etiraf edib.
   Məşhur Hollivud ulduzu Entoni Hopkins kino aləminin aparıcı mükafatlarından biri olan “Oskar”ı iyrənc adlandırıb. Əfsanəvi aktyorun fikrincə, keçən illərdə prestijli hesab olunan tədbir artıq ürəkbulandırıcı şouya çevrilib. Xatırladaq ki, Hopkins “Quzuların susması” filmindəki Hanibal Lektor roluna görə “Ən yaxşı aktyor” nominasiyasında “Oskar”-a layiq görülüb.
   Rusiyalı müğənni İrina Dubtsova Kiyevdə yeni “Prosti menya” klipinin çəkilişlərinə başlayıb. Video çarxın rejissoru Aleksandr Filatoviçdir. Ekran əsərində ifaçı altı müxtəlif obrazda kamera qarsışına keçib. Mahnının sözləri və musiqisi müğənninin özünə aiddir. Əsərdə sevgi üçbucağından bəhs olunur.
   Məşhur müğənni Adelin “21” adlı albomu Böyük Britaniyanın rəsmi çartındakı 22 aylıq lider mövqeyini itirib. Bu həftə sözügedən musiqi toplusu 42-ci sıraya enib. Qeyd edək ki, son statistikalara görə, albom 4,5 milyon nüsxəylə satılıb. Bundan başqa, musiqi albomu ən çox satılan disklər arasında 5-ci yeri tutub.

 

Sahilə Aslanova

 

Muz-Tv.az