Aygün Kazımova yenidən əməliyyat olunacaq

Azərbaycanın xalq artisti Aygün Kazımova yenidən əməliyyat olunacaq. 

   Azərbaycanın xalq artisti Aygün Kazımova yenidən əməliyyat olunacaq. Müğənninin dekabrın 1-i və 10-u ağır əməliyyat keçirəcəyi bildirilir. Əməliyyatın onun imicini xeyli dəyişəcəyi gözlənilir. Sənətçi qeyd edib ki, bu əməliyyat onun yeni Hollivud layihəsi ilə bağlıdır. Kazımovanın sözlərinə görə, yaxın vaxtlarda çox fərqli bir imicdə Hollivudda böyük layihə həyata keçirəcək. 
   Müğənni Xuraman Şuşalı "Bezmişəm" mahnısına klip çəkdirib. Sevgidən əzab çəkən insanın obrazını yaratdığını deyən ifaçı klipində konkret süjet xəttinin olmadığını bildirib. Sənətçi həmkarlarını da tənqid etməyi unutmayıb: "Çox vaxt müğənnilər çəkiliş qrupundan öz gözəlliklərini əks etdirməyi tələb edir. Belə olanda obrazları musiqiyə heç uyğun gəlmir. Mən isə kompleksiz bütün jestlər və mimikalardan istifadə etdim. Bütün aktyorluq bacarıqlarımı nümayiş etdirdim". Sitatı sonu.
   Müğənni Emma Ələkbərzadə toyunun bütün təfərrüatlarını son ana qədər gizli saxlamaq niyyətindədir. O, bildirib ki, heç kimin şəxsi həyatına qarışmır və onun da şəxsi həyatına qarışılmasını istəmir: "Şəxsi həyatıma aid olan məqamları müzakirə etməyi sevmirəm. Mənə görə sevinənlərin hər birinə minnətdaram". 
   Ana olmağa hazırlaşan müğənni Xatirə İslam solo konsert vermək niyyətindədir. İfaçı Opera və Balet Teatrında konsert vermək istədiyini bildirib. O, həmçinin konsertin baş tutması üçün əlindən gələni edəcəyini deyib. Yaradıcılığındakı yeniliklərdən də söz açan müğənni yeni mahnısının çətinliklə ərsəyə gəldiyini söyləyib. Yerli aranjemançıların işindən narazılığını dilə gətirən ifaçı xanım onların bəzilərinin gördüyü işlərin ürəkaçan olmadığını vurğulayıb.

 

Sahilə Aslanova

 

Muz-Tv.az