Tünzalə Ağayeva hesabat konserti verdi

Əməkdar artist Tünzalə Ağayeva Bakı Caz Mərkəzində möhtəşəm konsert verib.  

   Əməkdar artist Tünzalə Ağayeva Bakı Caz Mərkəzində möhtəşəm konsert verib. Səhnədə gənc həmkarları ilə birgə yer alan müğənnini gecə boyu “Hicaz” qrupu müşayiət edib.
Tədbirdə aparıcılıq funksiyasını “İçərişəhər” Dövlət Tarix-Memarlıq Qoruğu İdarəsinin mətbuat xidmətinin rəhbəri, teleaparıcı Rahib Azəri yerinə yetirib. Tədbirin irəliləyən dəqiqələrində Tünzalə xanım ona bir vaxtlar populyarlıq gətirən “Gözlərin” mahnısını da ifa edib. Əməkdar artistə hər zaman dəstək olan dostları millət vəkili Qənirə Paşayeva, modelyer Gülnarə Xəlilova, əməkdar artist Eyyub Yaqubov bu xüsusi gündə də onu tək buraxmayıb.
   Konsertin ən maraqlı məqamlarından biri də müğənninin gənc həmkarlarının səhnəyə çıxması olub. Tünzalə Ağayevanın Ülviyyə Salayeva ilə dueti gələn qonaqlar tərəfindən alqışlarla qarşılanıb.

 

Sərvər Mehdiyev
Elfaq Lələyev

 

Muz-Tv.az