Şou-biznes aləmindən xəbər var

Hazırda Hollandiyada olan müğənni Röya Ayxanın həbs olunması barədə xəbər yayılıb.  

    Hazırda Hollandiyada olan müğənni Röya Ayxanın həbs olunması barədə xəbər yayılıb. Məlumatda bildirilir ki, ifaçı Hollandiyada dostlarından birinin avtomobili ilə yol hərəkəti qaydalarını kobud şəkildə pozub və ona yazılan cəriməni ödəməkdən imtina edib. Bu səbəbdən də müğənni avtomobili ilə birlikdə cərimə meydançasına aparılıb. Bu məsələyə münasibət bildirən sənətçinin prodüseri Kənan Bayramlı xəbərin yalan olduğunu söyləyib.“Röya holland polisi ilə necə mübahisə edə bilər, dil bilmir axı?! İngilis dilində isə bir-iki söz bilir. Hazırda o, dekabrın 1-də verəcəyi konsertə hazırlaşır”-deyə Kənan qeyd edib. 
    Türkiyənin TMB kanalında aparıcı kimi tamaşaçılarla görüşə hazırlaşan xalq artisti Brilliant Dadaşovanın ilk qonağının kimliyi artıq məlumdur. "Pırlantalı gecələr" adlı proqramda qonaq Türkiyənin usta sənətçilərindan hesab edilən Kubat olacaq. Proqram dekabrın 4-də, Bakı vaxtı ilə saat 22:00-da canlı yayımla nümayiş ediləcək. 
    Müğənni Səyyad Əlizadə maraqlı açıqlamalarla gündəmə gəlib. O, səhnədə rəsmi geyimlərə üstünlük verdiyini söyləyib. “Tamaşaçılarım hər zaman məni kostyumda görüb. Buna səbəb onlara olan hörmətimdir”- deyə sənətçi vurğulayıb.

 

Xəyalə Əzizova

 

Muz-Tv.az