Şakira: “Daha 9 ay belə qala bilərəm”

Məşhur kolumbiyalı müğənni Şakira İspaniyanın “Barselona” klubunun futbolçusu Jerard Pike ilə yeni fotosunu “Twitter” səhifəsində yayımlayıb. 

   Məşhur kolumbiyalı müğənni Şakira İspaniyanın “Barselona” klubunun futbolçusu Jerard Pike ilə yeni fotosunu “Twitter” səhifəsində yayımlayıb. “Daha 9 ay belə qala bilərəm” yazan ifaçı doğum tarixini açıqlamayıb. Kolumbiyanın “Gente” jurnalı isə yazıb ki, ulduzun övladı qeysəriyyə üsulu ilə 2013-cü ilin yanvarında dünyaya gələcək. Qeyd edək ki, Şakira və Jerard Pike 2010-cu il dünya çempionatı üçün “Waka Waka” mahnısının klip çəkilişləri zamanı tanış olub. 
   Türkiyəli məşhur müğənni İbrahim Tastlısəs uzun müddətdir aralarında problem olan hamilə həyat yoldaşı Ayşəgül Yıldızla barışıb. Bu barədə sənətçi özü məlumat verib. Ötən həftə mətbuatda çıxan boşanma xəbərlərinə üsyan edən Tatlısəs: “Mən tək deyiləm. Ayşəgül yanımdadır. Bu xəbərləri çıxaranlaarı Allaha həvalə edirəm”, -deyə bildirib.
   Amerikalı müğənnilər Will.i.am və Britni Spirs yeni kliplərini sevənlərinin ixtiyarına veriblər. Təqdimat noyabrın 28-də ulduzların münsifi olduqları “X-Factor” şousu zamanı reallaşıb. Hər iki məşhurun heyran kütləsi video çarxı çox bəyəndiklərini bildirib. Premyeradan əvvəl Britni şəxsi saytından “Çox həyəcanlıyam. Sizin səslərinizi eşitmək istəyirəm”, -deyə yazıb. 
   Müğənni Lana Del Rey BBC kanalında yeni “Ride” mahnısını canlı ifa edib. Amma tamaşaçılar ifaçının bu cəhdini bəyənməyib. Daha sonra ulduzun şəxsi internet saytında yazılan şərhlərə görə, Lana öz mahnısını oxuya bilməyib. Heyran kütləsi müğənnini canlı ifa edə bilməməkdə günahlandırıb. Qeyd edək ki, “Ride” Lana Del Reyin “Born to die” albomunun çıxış mahnısıdır.

 

Sahilə Aslanova

 

Muz-Tv.az