“Mahnı dünyası”nda hansı sənətçilər çıxış etdi?

Beynəlxalq Muğam Mərkəzində “Mahnı dünyası” adlı konsert keçirilib.  

    Beynəlxalq Muğam Mərkəzində “Mahnı dünyası” adlı konsert keçirilib. "Fikrət Əmirov -90" musiqi festivalına həsr edilmiş növbəti tədbirdə ilk olaraq Rahib Azəri sözə başlayıb. 20-ci əsrdə yaşayıb yaradan incəsənət xadimlərindən olan Fikrət Əmirov haqqında öz fikirlərini bölüşən aparıcı “Sabah” qrupunu və bəstəkarın oğlu Cəmil Əmirovu alqışlarla səhnəyə dəvət edib. Qrupun müşayiəti ilə çıxış edən ilk nəğməli qonaq Gülyanaq Məmmədova olub. Cəmil Əmirova öz təşəkkürünü bildirən xanım ifaçı qrupla birgə çalışmaq arzusunu da dilə gətirməkdən çəkinməyib.
   Konsertdə mədəniyyət və turizm nazirinin müavini Ədalət Vəliyev başda olmaqla, bir sıra dövlət və və incəsənət nümayəndələri canlı musiqilərin dinləyicisi olub. Xanəndə Qoçaq Əsgərov da “Kor ərəbin” mahnısı ilə zalda lirik ab-hava yaradıb. Çıxış edənlər arasında əməkdar artist Gülyaz Məmmədova da yer alıb.

 

Səbinə Zöhrabqızı

Elfaq Lələyev

 

Muz-Tv.az