VIII “START” Gənclərin Beynəlxalq Film Festivalı başa çatdı

VIII “START” Gənclərin Beynəlxalq Film Festivalı başa çatıb. Ümumilikdə 20 ölkədən 250 dən çox filmin qatıldığı müsabiqənin yekununda qaliblərin mükafatlandırılma mərasimi keçirilib.  

  VIII “START” Gənclərin Beynəlxalq Film Festivalı başa çatıb. Ümumilikdə 20 ölkədən 250 dən çox filmin qatıldığı müsabiqənin yekununda qaliblərin mükafatlandırılma mərasimi keçirilib. 
  İki hissəyə ayrılan festivalın “Beynəlxalq” müsabiqə bölməsində türkiyəli rejissor Kerem Keskinin “Hekayə həyatdan götürülüb” filmi “Ən yaxşı bədii film” nominasiyasında mükafata layiq görülüb. Müsabiqədə həmçinin ən yaxşı sənədli film, cizgi filmi, eksperimental film mükafatları sırayla Almaniya, İran və Rusiyaya təqdim edilib. 
  Yerli müsabiqədə isə “Ən yaxşı bədii film” kateqoriyasında Ər Toğrul Kamalovun “Ömürlük əsir” filmi mükafata layiq görülüb.“Belnəlxalq” jürinin qadınlardan ibarət üzvlərindən biri, iranlı kinorejissor Təhminə Milani festivalın əhəmiyyəti barədə danışaraq bunun kino sənayesi üçün böyük addım olduğunu qeyd edib.
   Rusiyalı prodüser Yelena Yatsura Azərbaycan kinosunun bugünkü vəziyyətinin ürəkaçan olduğunu bildirib. Sənətçi xanım həmçinin milli kinomuzun bir il yarıma görə daha da inkişaf etdiyini əlavə edib.
   Qeyd edək ki, beynəlxalq jüri üzvləri heç bir filmi “Ən yaxşı film- Qran Pri” mükafatına layiq görməyib.

 

Sahilə Aslanova
Ramal Gülməmmədov

 

Muz-Tv.az