Hande Yener sevənlərini kədərləndirəcək

Fransalı aktyor Jerar Depardye avtomobil qəzasına uğrayıb. Məlumata görə, sənətçi içkili vəziyyətdə olub.  

    Fransalı aktyor Jerar Depardye avtomobil qəzasına uğrayıb. Məlumata görə, sənətçi içkili vəziyyətdə olub. O, Paris küçələrində skuteri ilə ictimai asayişi pozarkən polis tərəfindən yaxalanıb. Qəza nəticəsində heç kim ciddi zərər çəkməyib. 
   Musiqisindən əlavə geyim tərzi və tez-tez dəyişdirdiyi saç rəngi ilə tanınan Hande Yener yeni albomunda sevənlərini kədərləndirəcək. Belə ki, 2007-ci ildə elektronik musiqiyə keçdikdən sonra konsertləri azalan müğənni qısa müddət sonra yenidən köhnə tərzinə qayıdıb. Amma son albomunda ifaçı yenidən klub mahnılarına geri dönüb. Musiqi baxımından rəqiblərindən fərqli bir mövqedə durmaq istəyən Yenerin bu cür qayıdışının “Avroviziya” müsabiqəsi üçün olduğu deyilir.
    Bu günə qədər 22 Qremmi mükafatı qazanan məşhur musiqiçi Stivi Vonder dekabrın 6-da israilli əsgərlər və ailələri üçün keçirilməsi planlaşdırılan xeyriyyə konsertini təxirə salıb. Sənətçi BMT-nin sülhməramlı elçisi olduğu üçün ona tədbirdən imtina etməsi barədə məsləhət görüldüyünü söyləyib. O, çox təəssüf etdiyini, amma müharibəyə hər zaman qarşı olduğunu da sözlərinə əlavə edib.
    Rusiyalı müğənni Filipp Kirkorovun yeni “Prosto podari” mahnısı əsl hitə çevrilib. Amma əsərin daha əvvəl başqa sənətçi tərəfindən ifa edildiyi deyilir. Musiqinin müəllifi Andrey Alekseyev bildirib ki, o, sözügedən mahnını Viktor Saltıkov üçün yazıb. Amma həmin vaxtları Saltıkovun başı ailəsi ilə problemlərə qarışdığına görə, əsərə kifayət qədər zaman ayırmayıb. Hazırda müğənni mahnını Kirkorovun oxumasına çox təəssüf etdiyini bildirib.

 

Sahilə Aslanova

 

Muz-Tv.az