Hacı Nuran üçün daha bir aksiya

Bakı Caz Mərkəzində tanınmış aparıcı və xeyriyyəçi Hacı Nurana maddi və mənəvi kömək üçün məşhurların təşəbbüsü ilə təşkil olunan növbəti aksiya keçirilib. 

    Bakı Caz Mərkəzində tanınmış aparıcı və xeyriyyəçi Hacı Nurana maddi və mənəvi kömək üçün məşhurların təşəbbüsü ilə təşkil olunan növbəti aksiya keçirilib. Konsertdə Hacı Nuranın yaxın dostları, tanınmış sənət adamları və sadəcə onu tanıyan insanlar iştirak edib. Gecənin aparıcılıq missiyasını üzərinə götürən Rahib Azəri tədbirin məqsədindən danışaraq gələn qonaqlara təşəkkürünü bildirib. 
   Konsertdə səhnə alan tanınmış müğənnilər bir-birinin ardınca hit mahnılarını səsləndirib və Hacı Nurana ürək sözlərini çatdırıblar. 
   Tədbirdə aktiv iştirak edən məşhurlardan biri də şoumen və aparıcı Murad Dadaşov olub. O, da öz növbəsində Hacı Nuranla bağlı xoş xatirəsini bölüşərək tezliklə sağalacağına ümid etdiyini söyləyib.
   Qeyd edək ki, xeyirsevər aparıcı Hacı Nuran ağciyər xərçəngi diaqnozu ilə Avstraliyada müalicə olunur.

 

Sahilə Aslanova
Vüsal Babayev

 

Muz-Tv.az