Timati yeni sevgilisini təqdim etdi

Qalmaqallı rusiyalı repçi Timati yeni sevgilisini ictimaiyyətə təqdim edib.  

   Qalmaqallı rusiyalı repçi Timati yeni sevgilisini ictimaiyyətə təqdim edib. Alyona Şişkova adlı xanımın “Miss Rusiya” müsabiqəsində ikinci yeri tutduğu bildirilib. Cütlüyün necə və harda tanış olduğu hələ ki, məlum deyil. Məşhur repçinin yaxınlarda bu barədə ətraflı məlumat verəcəyi gözlənilir.
   Əfsanəvi ”The Beatles” qrupunun keçmiş üzvü Pol Makartni yeni klipini təqdim edib. "My Valentine" adlı mahnıya çəkilən video çarxda Hollivudun ən məşhur ulduzları Coni Dep və Natali Portman rol alıb. Fərqli və qeyri- adi olan klipdə sevgi sözsüz, əl hərəkətləri ilə izah edilir. 5 milyon insan tərəfindən izlənilən klip Makartninin sevənləri tərəfindən çox bəyənilib.
   Türkiyəli məşhur müğənni Sezen Aksu bu günə qədər Türkiyə, eləcə də xarici ölkələrdə reallaşan bütün konsertlərindən ibarət DVD çıxarmağa hazırlaşır. Fərqli dillərdəki mahnıların yer aldığı “Türkiyə şarkıları” adlı toplunun üz qabığındakı mozaikalardan hazırlanan ağac şəkli qeyri-adiliyi ilə diqqət çəkib. 
   “Via Qra” triosunun prodüseri Konstantin Meladze qrupu bağlamaq fikrindən daşınıb. Üstəlik o, yeni ““Via Qra”nın üzvü olmaq istəyirəm” adlı realiti şouya başlamağa hazırlaşır. Prodüser kütləvi kastinq təşkil edəcək. Indi hər kəs məşhur qrupun üzvü ola biləcək. Bu verilişlə Meladze dövlət televiziyasında əsl sensasiyaya imza atmaq fikrindədir. Onun sözlərinə görə, “Via Qra” prodüser layihəsi yox, xalq xoru olacaq.

 

Sahilə Aslanova

 

Muz-Tv.az