Ancelina Coli, Madonna və Ledi Qaqadan ən maraqlı xəbərlər

Ancelina Coli xeyriyyə işlərinə və övladlarına daha çox vaxt ayırmaq üçün aktyorluq sənətindən imtina edəcəyini açıqlayıb.  

   Ancelina Coli xeyriyyə işlərinə və övladlarına daha çox vaxt ayırmaq üçün aktyorluq sənətindən imtina edəcəyini açıqlayıb. Sitat.“Aktyorluğu çox sevirəm. Yalnız bəzi filmlərdə oynayacağam. Belə bir sənətim olduğuna görə çox xoşbəxtəm” –deyə açıqlama verən 37 yaşlı aktrisa sülh elçisi olaraq işlərinə lazımi zamanı ayıra bilmədiyini vurğulayıb. 
   Müğənni Bruno Mars yeni “When I Was Your Man” mahnısını sevənlərinin ixtiyarına verib. Təqdimatdan əvvəl o, öz mikrobloqunda: “Heç vaxt bu qədər həyəcanlanmamışdım. Səbəbini heç özüm də bilmirəm. Tezliklə yeni mahnımı eşidəcəksiniz” -yazaraq hisslərini heyranları ilə bölüşüb. Xatırladaq ki, müğənninin yeni albomu dekabrın 10-da işıq üzü görəcək.
   Dünya şöhrətli ulduz Madonna Kolumbiyada konsert verərkən yıxılıb və üzünü əzib. Rəqqaslarının köməyi ilə ayağa qalxan müğənninin üzündəki qan izləri gözdən qaçmayıb. Sənətçi heç nə olmamış kimi şouya davam edib. Xarici mətbuat yıxılma hadisəsi və qan izlərinin şounun bir hissəsi olduğunu iddia edib. Madonnanın mətbuat xidməti bu barədə heç bir məlumat verməyib.
   Əfsanəvi ulduz Maykl Ceksonun geyimləri açıq hərracda yüz minlərlə dollara satılıb. Alıcılar arasında yer alan Ledi Qaqa Twitter hesabından satın aldığı 55 əşyanı Ceksonun ruhu, cəsarəti, sevgisi və heyranları naminə saxlayacağını bildirib. Qeyd edək ki, mərhum ulduzun almazlarla bəzədilmiş əlcəklərinin hər cütü 100 min dollara satılıb.

 

Sahilə Aslanova

 

Muz-Tv.az