Ajda Pekkanın Gəncəyə gizli səfərinin təfərrüatı bəlli oldu

Dekabrın 13-də Azərbaycanın ikinci böyük şəhərinə gəlişi gözlənilən Türkiyənin tanınmış ulduzu Ajda Pekkan təşkilatçılar qarşısında bəzi şərtlər irəli sürüb.  

   Dekabrın 13-də Azərbaycanın ikinci böyük şəhərinə gəlişi gözlənilən Türkiyənin tanınmış ulduzu Ajda Pekkan təşkilatçılar qarşısında bəzi şərtlər irəli sürüb. Cəmi 1 gün Gəncədə qalacaq müğənni israrla media qarşısına çıxmayacağını deyib. O, özəl məclisdə çıxış edib gecə saatlarında da vətəninə dönməyi planlaşdırır. Hətta sənətçi bu səbəbdən yerli camaat qarşısında verəcəyi konserti də təxirə salıb.
   Tanınmış müğənni Elariz Məmmədoğlu ikinci dəfə baba olub. İfaçının oğul nəvəsinin dünyaya gəldiyi bildirilir. Sənətçi özünü Azərbaycanda ən gənc babası hesab etdiyini deyərək, buna görə çox sevindiyini söyləyib. O, qeyd edib ki, yeni dünyaya gələn körpə eynilə birinci nəvəsinə bənzəyir. Qeyd edək ki, Elariz Məmmədoğlunun Əli adlı 2 yaşlı nəvəsi var.
   Türkiyədə fəaliyyət göstərən azərbaycanlı model Günay Musayeva “Best Model of the World” yarışmasının münsiflər heyətinə dəvət edilib. O, bu dəfə də dünyanın ən yaxşı modelini seçmək üçün münsiflər heyətində yer alacaq. Dekabrın 8-də İstanbulda keçirilməsi planlaşdırılan və 9 ölkədə canlı yayımlanması gözlənilən yarışmada dünyanın ən gözəl modeli adı uğrunda 20-yə yaxın iştirakçı mübarizə aparacaq.
   “Avroviziya-2012” mahnı müsabiqəsinin qalibi Eldar Qasımov nəhayət ki, sürücülük vəsiqəsi alıb. O, da bu günlərdə şəxsi avtomobili olan müğənnilərimiz sırasına qatılacaq. Görünür ifaçı maşın sürməyi çoxdan gözləyir. Vəsiqəni alan kimi sürətini Facebookda paylaşması da buna əyani sübutdur.

 

Sahilə Aslanova

 

Muz-Tv.az