Castin Timberleyk ata olacaq

Amerikalı müğənni Castin Timberleykin həyat yoldaşı Cessika Billin hamilə olduğu iddia edilir.  

   Amerikalı müğənni Castin Timberleykin həyat yoldaşı Cessika Billin hamilə olduğu iddia edilir. Bunu cütlüyün yaxın dostları söyləyib. Sevgililər hələ xəbəri təsdiqləməsələr də, Cessikanın bir müddət əvvəl aktyorluq karyerasına fasilə vermək istəyi məlumatın doğru olduğunu düşünməyə vadar edir. Xatırladaq ki, Castin və Cessika bu ilin oktyabrında ailə həyatı qurublar. 
  “Aşk-ı məmnu” və “Fatmagülün suçu nə” kimi seriallarla sadəcə Türkiyədə deyil, Əfqanıstanda da çox sevilən Beren Saat qadınların sağlamlığı mövzusunda sosial reklam çarxında rol alıb. Ingilis və fars dillərində çəkilən film mühafizəkar qruplar tərəfindən etiraza səbəb olub.
   Yeni “Giderli 16” adlı albomu ilə gündəmdə olan Demet Akalın bir reportajda maraqlı açıqlamalar verib. “Bu vaxta qədər karyera planları ilə məşğul idim. Artıq ailə haqqında düşünməyin vaxtı çatıb. Yaşım da keçir. Tezliklə ana olmaq istəyirəm”,- deyə bildirib.
   Bu yaxınlarda Selena Qomez daha Castin Biberin uşaqlıqlarına dözmədiyini və ayrılmaq istədiyini açıqlayıb. Amma pop ulduz təslim olmayıb və hətta müğənni xanımın eyvanının altında serenada da oxuyub. Mətbuatın verdiyi son məlumata görə, müğənninin cəhdləri boşa getməyib və sevgililər restoran çıxışında paparazzilərə yaxalanıb. Cütlüyün əl-ələ getməsi diqqətdən qaçmayıb.

 

Sahilə Aslanova

 

Muz-Tv.az