Faiq Ağayev rekord qırdı

Səyyad Əlizadə konsertlərdən danışıb. O, həmkarlarının tamaşaçı qıtlığından əziyyət çəkdiyini deyib.  

   Səyyad Əlizadə konsertlərdən danışıb. O, həmkarlarının tamaşaçı qıtlığından əziyyət çəkdiyini deyib. Sənətçi bəzi məsələlər barədə fikir bildirməyi də unutmayıb: “Xalq olaraq özümüzü nədənsə bəyənmirik. Kənardan izləyirəm ki, öz sənətçilərimizin konsertində tamaşaçı qıtlığı yaşanır. Ancaq xarici ölkədən heç sayılmayan müğənnilərin konserti Bakıda anşlaqla qarşılanır”
  “Avroviziya” mahnı müsabiqəsinin qalibi Eldar Qasımov öz sevgilisi haqqında danışıb. Onun sözlərinə görə, həmin qız xarici ölkə vətəndaşıdır. "Düşünürəm ki, sevgidə milliyyət və dərinin rənginin heç bir fərqi yoxdur. Əgər bizdə hər şey ciddi olsa və əmin olsam ki, bu qızla evlənmək istəyirəm, onda valideynlərimlə də tanış edəcəm. Hələlik bizim üçün belə yaxşıdır", - deyə ifaçı bildirib.
   Xalq artisti Faiq Ağayev 25 illik səhnə fəaliyyətində rekorda imza atıb. Müğənni dekabrın 27-dən 30-dək Heydər Əliyev Sarayında keçiriləcək solo konserti öncəsi Facebook sosial şəbəkəsində maraqlı status paylaşıb: “Yorğunam. Çünki 19 saatlıq studiya çalışmasından sonra şəxsi rekordumu təzələdim. Bu konsertim mükəmməl olmalıdır. Düşünürəm ki, adi bir konsert olmayacaq”. 
    Rusiyanın populyar ifaçısı Dima Bilan Bakıya gəlir. Konsertin təşkilatçısı Samir Xəttab açıqlamasında Dima Bilanla danışıqlar aparıldığını və razılıq alındığını deyib.“Dima Bilanın konsertində iştirak etmək istəyən hər kəs biletləri 50% endirimlə əldə edə biləcək. Bundan başqa100 nəfərin məşhur müğənninin konsertinə pulsuz bilet əldə etmək imkanı olacaq. 3 nəfər isə Dima Bilanla görüşmək şansı qazanacaq”. Samir Xəttab Dima Bilanın konsertinin tarixini hələ ki, açıqlamayıb.

 

Sahilə Aslanova

 

Muz-Tv.az