Xuraman Şuşalı və Marina Alieva “Narkotikə yox” deyəcək

Dekabrın 14-ü “Narkotikə yox deyək” şüarı altında konsert keçiriləcək. Samir Xəttabın dəstəyi ilə təşkil olunan tədbirdə Xuraman Şuşalı ...

    Dekabrın 14-ü “Narkotikə yox deyək” şüarı altında konsert keçiriləcək. Samir Xəttabın dəstəyi ilə təşkil olunan tədbirdə Xuraman Şuşalı və dağıstanlı müğənni Marina Alieva eyni səhnəni paylaşacaq. Elə bu münasibətlə təşkilatçı başda Xuraman Şuşalı və onun prodüseri Sərxan Qədimov olmaqla media nümayəndələrini ətrafına toplayıb, onların suallarını cavablandırıb. O, bildirib ki, könüllü olan hər bir ifaçı bu konsertə qoşula bilər. Samir hətta dekabrın 10-u şəhərimizə təşrif buyuran Marinaya hədiyyə olaraq klip də çəkəcək. Xuraman və Marinanın çıxışından sonra Xəttabın təşkilatçılğı ilə növbəti konsert Rusiyanın tanınmış müğənnisi Dima Bilanın olacaq. Bu tədbirdə iştirak edən hər kəs Dimanın konsertinə biletləri 50% endirimlə əldə edə biləcək. 
   Xuraman Şuşalı da öz fikirlərini bizimlə paylaşıb. O, bir səhnəni paylaşdığı müğənni ilə duet oxumağı planlaşdırmasa da, bir neçə yepyeni mahnılar yazdırdığını bildirib. Amma ifaçı bu siyahıda konsertin mövzusu ilə bağlı mahnıların yer almadığını da vurğulayıb.
  Təşkilatçı həmin gün Hüseyn Dərya, DJ Çina və digər bir neçə müğənninin də çıxış edəcəyini söyləyib. Gözəl bir konsert planlaşdıran Samir tənqidə məruz qalmaq istəmədiyini də bildirib.

 

Səbinə Zöhrabqızı
Rüfət Qarayev

 

Muz-Tv.az