“Qremmi-2013”-ün nominantları elan edildi

Amerikan səsyazma akademiyası prestijli musiqi mükafatı olan “Qremmi-2013”-ün nominantlarını elan edib.  

    Amerikan səsyazma akademiyası prestijli musiqi mükafatı olan “Qremmi-2013”-ün nominantlarını elan edib. “İlin səs yazısı” kateqoriyasında The Black Keys «Lonely Boy”, Kelli Klarkson «Stronger», Gotye «Somebody That I Used to Know» mahnıları yarışacaq. “Ən yaxşı solo ifa” nominasiyasında Adel, Keti Perri, Rihanna, LMFAO, Maroon 5 və Pinkin adları var. Laureatlar 2013-cü il fevralın 10-da təntənəli mərasimdə açıqlanacaq. Qeyd edək ki, gələn il “Qremmi” mükafatı 55-ci dəfə təqdim ediləcək.
   Rusiyalı məşhur müğənni Alla Puqaçova öz ölüm tarixini bildiyini açıqlamaqla heyranlarını xeyli təəccübləndirib. Hətta primadonna artıq qəbiristanlıqda özünə yer də sifariş verib. “Ulu nənəm kimi 95 yaşımda öləcəyəm. O, küçə ilə gedərkən qəfil vəfat edib. Mən də elə istəyirəm. Hətta Maksim Qalkinin də yaşlanmasını görəcəyəm”, - deyə sənətkar zarafatla məsələyə şərh verib.
   Rusiyalı müğənni Nataşa Korolyova hakerlər tərəfindən sındırılan Twitter hesabından digər məşhurlar haqqında yazılan şərhlərə görə üzr istəyib. İfaçının profili bir həftə əvvəl sındırılıb. Mikrobloqunu geri qaytarmaq üçün məşhur müğənni bir həftə vaxt sərf edib. Bütün bu zaman ərzində hakerlər Nataşanın adından həmkarlarına qeyri-etik yazılar yazıb. İfaçı yayımladığı videoda bütün ismarıclara görə üzr istəyib və Twitter adminlərinin ləng işləməsindən şikayət edib.
   Hollivud ulduzu Conni Depp Amerikada yeni villa alıb. 20 hektar torpaq sahəsinə sahib malikanə aktyora 17 milyon dollara başa gəlib. Evin özünün ölçüsü 19 kvadrat metrdir. Villada şəxsi kinozal, lift, kitabxana və hətta şərab zirzəmisi də var. Xatırladaq ki, 49 yaşlı aktyor bu yaxınlarda həyat yoldaşı Vanessa Paradidən boşanıb.

 

Sahilə Aslanova

 

Muz-Tv.az