Aygün Kazımova: “Mənimki meyxanaçılarla gətirmir”.

Xalq artisti Aygün Kazımova öz müəlliminin adını açıqlayıb. Bu, gənc müğənni Elton Hüseynəliyevdir.  

   Xalq artisti Aygün Kazımova öz müəlliminin adını açıqlayıb. Bu, gənc müğənni Elton Hüseynəliyevdir. Elton Aygünə toy şənliklərində oxumaq üçün mahnılar öyrədir. “O mənə bu janrı öyrənməkdə kömək edir, buna görə də onu müəllimim hesab edirəm. İndi biz yerli telekanallardan birinin efirində və regionlarda yayımlanacaq bir konsertə hazırlaşırıq“, - deyə müğənni bildirib. Aygünün sözlərinə görə, Elton meyxana da deyir, amma bu məsələyə ciddi yanaşmır. "O, hətta peşəkar meyxanaçıların da öhdəsindən gəlir. Düzünü desəm, bunu Eltondan gözləmirdim. Ancaq yaxşısı budur ki, Elton meyxana ilə məşğul olmasın. Mənimki meyxanaçılarla gətirmir", - deyə o əlavə edib. 
   Əməkdar artist Elza Seyidcahan da Türkiyə şou-biznesində tanınmaq istəyir. Müğənni hesab edir ki, Azərbaycan şou-biznesində onun rəqibi yoxdur. 
"Rəqabət istəyirəm. Belə bir rəqabəti Türkiyə şou-biznesində əldə edə bilərəm. Başqaları kimi bir klip çəkdirib geri qayıtmaq fikrim yoxdur. Türkiyənin tanınmış ustadları ilə səhnəni bölüşmək istəyirəm. Mən 6-7 il əvvəl bir çox Türkiyə telekanallarında efirə çıxmışam. Sadəcə bununla özümü reklam etməmişəm", - deyə o əlavə edib. 
   Çingiz Mustafayev, tanınmış teleaparıcı Emin Musəvinin təşəbbüsü ilə dekabrın 5-9-u tarixlərində keçiriləcək "Riga Symphony" adlı festivalda qonaq qismində iştirak etmək üçün Latviyaya yola düşüb. Həmin festivalda, yeniyetmələr və istedadlı yaradıcı gənclər iştirak edir. Qonaqlar isə mərasimin açılış və bağlanış konsertlərində çıxış edəcək. Bu müddət ərzində Çingizin mətbuata müsahibələri və Riqa TV proqramlarında iştirakı da planlaşdırılıb.
   Müxtəlif tədbirlərdə mətbuatın fotokamerasına tuş gələn müğənni Nura Suri bildirib ki, media işçiləri onun yalnız şəkillərini çəkə bilər: “Mənim jurnalistlərə böyük hörmətim var. Amma onlara heç bir açıqlama vermərəm. Çünki şəxsi həyatımla bağlı bəzi hadisələr oldu və mətbuat da bunu araşdırmadan yazdı. Ondan sonra mən özümə söz verdim ki, jurnalistlərə heç bir açıqlama verməyim”. Sitatın sonu.

 

Sahilə Aslanova

 

Muz-Tv.az