Ağdanlı Qurbanın 150 illik yubileyi qeyd olundu

Ağdabanlı şair Qurabanın 150 illik yubileyi münasibəti ilə tədbir keçiriliib. Mədəniyyət və Turizm Nazirliyi və Aşıq Şəmşir Mədəniyyət ...

    Ağdabanlı şair Qurabanın 150 illik yubileyi münasibəti ilə tədbir keçiriliib. Mədəniyyət və Turizm Nazirliyi və Aşıq Şəmşir Mədəniyyət Ocağı İctimai Birliyinin birgə təşkilatçılığı ilə reallaşan konsertdə aparıcılıq missiyasını professor Məhəmməd Qasımov yerinə yetirib. O, bildirib ki, şair aşıq şeirinin demək olar ki, bütün formalarına müraciət edib. Tədbirdə həmçinin yubiliyarın vətəni olan Kəlbəcər dağlarının ətrini tamaşaçılara hiss etdirən şeir də səsləndirilib. Böyük söz sərrafı Aşıq Ələsgərin müasiri və yaxın dostu olan Ağdabanlı Qurban haqqında lent yazısı nümayiş olunub.
  Mədəniyyət və incəsənət nümayəndələrinin də qatıldığı tədbirdə şairin oğlu Şəmşir Qurbanın da həyat və yaradıcılığından söz açılıb. Xalq şairi, aşıqlar birliyinin sədri Zəlimxan Yaqub da şair Ağdabanlının yubileyi münasibəti ilə öz xoş sözlərini səsləndirib. O, bildirib ki, aşıq Şəmşir Səməd Vurğunla dost olan atasını xoşbəxt hesab edirmiş. Daha sonra aşıq Fəzailin rəhbərliyi ilə “Buta” sazçı qızlar qrupu səhnədə yer alıb. Əməkdar mədəniyyət işçisi, Aşıq Əhliman Şirvanlı da hər kəsi sazın, sözün sehrinə salıb.Tədbirin iştirakçılarından Aşıq Əhliman Şirvanlı, Əhliman Kəlbəcərli, İlqar Kəlbəcərli şair Ağdabanlıya öz ürək sözlərini çatdırıb.
    Maraqlı bir faktı da qeyd edək ki, şairin oğlu Dədə Şəmşir Ağdabanlı Qurbanın əlyazmalarını uzun müddət qoruyub saxlayıb. Təəssüf ki, zəngin arxiv 8 aprel 1992-ci ildə ermənilərin Ağdaban kəndinə hücumu zamanı yandırılaraq məhv edilib.

 

Səbinə Zöhrabqızı
Elfaq Lələyev

 

Muz-Tv.az