Eminin sinqlı “Billboard” çartında 10-cu yeri tutdu

Məşhur ifaçı Eminin “Baby Get Higher” sinqlı “Billboard” çartında 10-cu yeri tutub. Sözügedən mahnı artıq 8-ci həftədir ki, siyahının yuxarı yerlərinə can atır.  

    Məşhur ifaçı Eminin “Baby Get Higher” sinqlı “Billboard” çartında 10-cu yeri tutub. Sözügedən mahnı artıq 8-ci həftədir ki, siyahının yuxarı yerlərinə can atır. Bu həftə trek hit-paradın 10-cu yerinə yüksəlib. Qeyd edək ki, Emin noyabrda ABŞ-a gedərək öz yeni “After The Thunder” albomunu təqdim edib. Bundan başqa, o, KİV nümayəndələri ilə ünsiyyət qurub və bir neçə konsert verib.
   Müğənni Niyam Salami yeni albomunu tamaşaçılara təqdim etdikdən sonra bir neçə mahnı üzərində çalışır. Hazırda ifaçı musiqisi Elçin Cəfərov, sözləri Azər Şirinə məxsus olan “Üsyanım var” adlı mahnısına klip çəkdirməyi düşünür. Bundan əlavə Niyam bu ilin sonuna daha ritmik bir mahnını öz dinləyicilərinə təqdim edəcək. ”Gəl qovuşaq” adlı ifanın sözləri müğənninin prodüseri Elvin Aydına, musiqisi isə Elşada məxsusdur.
    Aylardan bəri uğurlu əməkdaşlıqlarını davam etdirən tanınmış estrada müğənnisi Günay İbrahimli ilə populyarlığına görə ulduzlardan heç də fərqlənməyən prodüser Təranə Səmədovanın yollarını ayırmaları haqqında dolaşan söz-söhbətlər hər iki tərəfi xeyli qəzəbləndirib. Bu barədə Təranə özü məlumat verib: "Məlumdur ki, bu, işbirliyimizi həzm edə bilməyən bədxahların əməlləridir. Amma ürəklərini buz kimi saxlasınlar. Günayı çoxdan doğmam kimi qəbul etmişəm. Şayiələr işbirliyimizə qətiyyən mənfi təsir göstərmir".
   Müğənni Samir Bağırovun xəstəxanaya yerləşdirildiyi barədə xəbər yayılıb. Məlumatda ifaçının son günlər tez-tez həkimə müraciət etdiyi bildirilib. Samirin yaxın dostu stilist Samir Əliyev məsələyə aydınlıq gətirərək deyilənlərin yalan olduğunu söyləyib. O, həmçinin bu cür yalan xəbər çıxaranların ruhi xəstə olduqlarını əlavə edib.

 

Sahilə Aslanova

 

Muz-Tv.az