Məşhur müğənni həlak oldu

Meksika əsilli məhşur Amerika müğənnisi Cenni Rivera sərnişin təyyarəsinin qəzaya uğraması nəticəsində həlak olub.  

   Meksika əsilli məhşur Amerika müğənnisi Cenni Rivera sərnişin təyyarəsinin qəzaya uğraması nəticəsində həlak olub. Qəza zamanı təyyardə olan 7 nəfərin hamısı həyatını itirib. Qeyd edək ki, təyyarə müğəninin konsert verdiyi Monterrey şəhərində havaya qalxdıqdan bir neçə dəqiqə sonra radardan itib.
   Türk musiqisinin “İmperator”u İbrahim Tatlısəs maddi cəhətdən çətin günlər yaşayır. Belə ki, 2 milyon 100 min lirə borcunu ödəyə bilməyən müğənninin 11 şirkətinin əmlakı müsadirə olunub. Tatlıses bu qərarla barışmayaraq qarşı tərəfə məhkəmə iddiası qaldırıb. İstanbul İcra Məhkəməsi öz növbəsində müğənninin iddiasını qəbul edərək müvafiq qərar verəcək. Qeyd edək ki, Tatlısəs ötən il silahlı hücuma da məruz qalmışdı.
   Məşhur Hollivud ulduzu Meqan Foks daha çimərlik paltarlarında şəkillər çəkdirməyəcək. Aktrisa filmlərdə çılpaq və ya bikinidə də pozalar verməyəcəyini söyləyib: “Oğlum məktəbə gedəndə dostları mənim şəkillərimə görə onu lağa qoya bilərlər. Bu səbədən artıq çimərlik geyimlərində şəkil çəkdirməyəcəyəm”. Xatırladaq ki, Hollivudun ən cazibədar qadınlarından olan 26 yaşlı aktrisa iki il öncə Brayan Ostin Qrinlə ailə qurub. Cütlüyün bu evlilikdən bir oğlu var.
    Türkiyəli 36 yaşlı müğənni Nil Karaibrahimgilin hamilə olduğu öyrənilib. İfaçının əkiz körpələr gözlədiyi deyilir. Ulduz şad xəbəri ilk olaraq həyat yoldaşı Sərdar Erenerlə paylaşıb. Müğənninin həkimləri ona körpə dünyaya gələnədək stress, yorğunluq və hərəkətdən uzaq olmasını məsləhət görüb. Buna görə də, məşhur popçu bir müddət işlərindən uzaqlaşıb, istirahət etmək niyyətindədir. Obnu da vurğulayaq ki, Karaibrahimgil qidalanmasına da diqqət etməli olacaq.

 

Sahilə Aslanova

 

Muz-Tv.az