Müğənni qışın ortasında “Yaz çiçəyim” dedi

Çoxdandır səs-sorağı gəlməyən Əlikram Bayramovdan xəbər var.  

    Çoxdandır səs-sorağı gəlməyən Əlikram Bayramovdan xəbər var. Müğənni sözləri və musiqisi özünə aid olan “Yaz çiçəyim” adlı mahnısına klip çəkdirib. Çəkilişləri açıq havada reallaşan video çarxda sənətçini qızlardan ibarət rəqs qrupu müşayiət edib.
    Rəqsanənin qızı Aysun saçlarının rəngini dəyişib. Bundan əlavə o, bildirib ki, anasının hədiyyə etdiyi avtomobil bu soyuq günlərdə köməyinə çatıb. “Anam özündən əvvəl hər zaman balalarını düşünür. Söz verirəm ki, Moskvadan Azərbaycana püxtələşmiş modelyer olaraq qayıdacağam” – deyən Aysun anasının ailə həyatı qurması xəbərinə də münasibət bildirib: “Anam xoşbəxt olmağa layiqdir. Onun düzgün seçim etdiyinə əminəm”. 
    Gənc müğənni Lamiyə Novruzova yoğun iş gününün sonunda bölgələrdən birinə üz tutub. Yorğunluğunu təbiətin qoynunda keçirən sənətçi müsbət əhval-ruhiyyəyə köklənməyə çalışıb. İfaçının sözlərinə görə, Bakıda dincəlmək yaxşı olsa da, rayonun ab-havası tam fərqlidir.

 

Xəyalə Əzizova

 

Muz-Tv.az