“Avroviziyaya getsəm Azərbaycana növbəti qələbəni gətirərəm”

Natəvan Həbibi verdiyi məlumatda “Avroviziya” yarışmasında Azərbaycanı layiqli şəkildə təmsil edə biləcəyini, amma seçim turlarına qatılmaq istəmədiyini bildirib.  

    Natəvan Həbibi verdiyi məlumatda “Avroviziya” yarışmasında Azərbaycanı layiqli şəkildə təmsil edə biləcəyini, amma seçim turlarına qatılmaq istəmədiyini bildirib. İfaçı həmçinin onu seçəcəkləri təqdirdə Azərbaycana növbəti qələbəni gətirəcəyinə inandığını vurğulayıb.
    İfaçı İzzət Bağırov xarici ölkələrdə klip çəkdirən müğənnilərə sərt cavab verib. Onun sözlərinə görə, Azərbaycandan kənarda ilk klipi illər öncə məhz o çəkib. “Mən Dubayda klip çəkdirəndə indiki müğənnilərin çoxu bu sənətdə yox idi. Çıxıb efirdən «Bunu ilk mən etdim» deməsinlər, çünki hər kəs kimin birinci nə etdiyini çox yaxşı bilir. Çox ilklərə imza atmışam, amma bunu heç vaxt dilə gətirməmişəm”, - deyə Bağırov etirazını bildirib.
    Meyxanaçı Namiq Qaraçuxurlu şəxsi həyatı ilə bağlı gəzən şayiələrə aydınlıq gətirib. "Hərdən biz tamaşaçılara lazımsız şeylər barədə məlumat veririk, vaciblər isə kənarda qalır. Bilirəm, onlara mənim nə vaxt ailə quracağım maraqlıdır. Amma bu o demək deyil ki, hər dəfə yalnız bu barədə danışmalıyıq. Toy günü barədə hələlik heç nə deyə bilmərəm, çünki heç özüm də bilmirəm. Nə vaxt təyin olunsa, mütləq xəbər edəcəm", - deyə meyxanaçı fikrini tamamlayıb.
    Hollivuda səfərə hazırlaşan xalq artisti Aygün Kazımova Türkiyədə əməliyyat olunduqdan sonra vətənə dönüb. Xalq artistini hava limanında jurnalistlər və prodüseri Tolik qarşılayıb. Plastik əməliyyatdan sonra çox yaxşı görünən Kazımova böyük enerji ilə Hollivud layihəsi üzərində çalışacağını da deyib.

 

Sahilə Aslanova

 

Muz-Tv.az