Xalq artisti: “20 yeni mahnı ifa edəcəyəm”

Xalq artisti Bilal Əliyev bu günlərdə Avropaya səfər edəcək. Onun gedişinin məqsədi Azərbaycan musiqisini təbliğ etməkdir.  

     Xalq artisti Bilal Əliyev bu günlərdə Avropaya səfər edəcək. Onun gedişinin məqsədi Azərbaycan musiqisini təbliğ etməkdir. Bunla yanaşı o, ardıcıl olaraq Rusiyaya, Türkiyəyə, Amerikaya, İrana, daha sonra isə Afrikaya yola düşəcək. Bir neçə ölkəyə səfər etməyə hazırlaşan Bilal müəllimin bu səyahətinin tək səbəbi konsert vermək deyil. 
     Sənətçi nə az, nə çox düz 20 mahnı yazdırıb. Dahi bəstəkarların musiqisinə üz tutan xalq artisti sözügedən ifasını yaxın günlərdə təqdim edəcək. Çoxlu sayda mahnı yazdırıb, ifa edən Bilal Əliyev nədənsə klip çəkdirməyi bəyənmədiyini vurğulayıb. O, bildirib ki, daha çox mahnılarını canlı ifa etməyə üstünlük verir.

 

Səbinə Zöhrabqızı
Vüsal Həşimov

 

Muz-Tv.az