“Polad Alemdar” evləndi
Türkiyənin ən sevilən seriallarından biri olan “Kurtlar vadisi”nin Polat Alemdarı Necati Şaşmaz özündən 21 yaş kiçik Nagehan Kaşıkçı ilə sürpriz qərarla evlənib.
Türkiyənin ən sevilən seriallarından biri olan “Kurtlar vadisi”nin Polat Alemdarı Necati Şaşmaz özündən 21 yaş kiçik Nagehan Kaşıkçı ilə sürpriz qərarla evlənib. Gözlənilmədən reallaşan bu nikah hər kəsi təəccübləndirib. Mərasimdə serialın bütün aktyorları iştirak edib. Xatırladaq ki, Necati Şaşmaz 2 ay əvvəl “Möhtəşəm yüz il” serialında Mahidevran xarakterini canlandıran Nur Fəttahoğlu ilə sevgili olub.
Dünya şöhrətli opera müğənnisi, SSRİ xalq artisti, görkəmli dirijor və violonçel ifaçısı Mstislav Rastrapoviçin həyat yoldaşı Qalina Vişnevskaya 87 yaşında Moskvada dünyasını dəyişib. Vişnevskayanın vəfat etməsi xəbərini onun adına olan Musiqi mərkəzində təsdiq etsələr də ölümünün səbəbini açıqlamayıblar. Qalina Vişnevskaya ilə vida mərasimi bu gün Moskva Opera Mərkəzində keçiriləcək.
Amerikalı müğənni Britni Spirs “Forbes” jurnalının təqdim etdiyi illik reytinq siyahısına görə ən çox qazanan ulduz seçilib. Ifaçı 2011-ci ilin may ayından 2012-ci ilin dekabr ayına qədər 58 milyon dollar gəlir əldə edib. Ona əsas sərvəti son “Femme fatale” albomu, dünya turnesi və reklam çarxında çıxışı gətirib. Bundan başqa, Spirs sentyabr ayında “X Faktor” şousunda jüri qismində çıxış edib və bu iştirakdan 15 milyon dollar qazanıb.
Ikinci sırada isə kantri musiqi ifaçısı Teylor Sviftdir. Onun illik gəliri 57 milyon dollardır.
Rusiyalı müğənni Polina Qararina Hollivud rejissoru Ridli Skottdan maraqlı bir təklif alıb. Belə ki, ifaçı “Məsləhətçi” filmində epizodik rol ifa edəcək. Sözügedən ekran əsərində baş rollarda Bred Pitt, Kameron diaz, Penelopa Krus, Maykl Fassbender və Havyer Bardem kimi məşhur aktyorların çıxış edəcəyi bildirilib. Məşhur rejissor Polina ilə onun “Net” klipindəki aktyorluq qabiliyyətini və səsini gördükdən sonra tanış olub. Ridli Skott həmçinin filmin soundtrekinin ifasını da Polinaya həvalə edib.
Sahilə Aslanova
Muz-Tv.az