Elşad Xose döyüldü

Rep ifaçısı Elşad Xose Bakıda gecə klublarının birində gənc müğənni Sultan Qocayevlə dalaşıb.  

     Rep ifaçısı Elşad Xose Bakıda gecə klublarının birində gənc müğənni Sultan Qocayevlə dalaşıb. Məsələ ilə bağlı Elşad heç bir şərh verməsə də, davada iştirak edən digər şəxs Sultan Qocayev danışıb. O, hadisəni təsdiqləyərək: “Elşad klubun səhnəsində çıxış edən zaman mən qulaqlarımı tutub, onu dinləmək istəmədim. Mənim bu hərəkətim Elşadın xoşuna gəlmədi. Çıxışını bitirdikdən sonra o, tamaşaçıların arasında əyləşdi мənə kinayəli suallar verərək təhqir etdi. Mən də Elşadı təhqir edərək, onun başına butulka və mikrofon vurdum. Onu olduğum məkanda görmək istəmədiyimi söylədim və Elşad da çıxıb getdi. O, mənim qabağımda söz deyə bilməz” – hadisənin təfərrüatlarını danışıb. 
     Xalq artisti İlhamə Quliyeva Faiq Sücəddinovun onun üçün yazdığı mahnıları ifa etməyi qadağan edib. Bu barədə müğənni özü bildirib. “Ay Rəqsanə, get toylarda çıxış et və öz çörəyini ye. Başa düşmürəm, ona və başqalarına mənim mahnılarımın nə aidiyyatı var. O, elə oxuyur ki, sanki quyruğunu tapdalayıblar. Belə oxumaq utancvericidir. Rəqsanəyə mənim mahnılarımı oxumağı rəsmən qadağan edirəm", - deyə o vurğulayıb. 
     Xalq artisti, məşhur estrada müğənnisi Brilliant Dadaşovanın 10 illik meneceri Fəridə Cabbarova ağır yol qəzasına düşüb. Xəbərdə bildirilir ki, Fəridə xanım mərkəzi küçələrin birində idarə etdiyi avtomobilini ağaca çırpıb. O, qəzadan dərhal sonra şəhər xəstəxanalarının birinə yollanıb.
     Dekabrın 31-də dünya şöhrətli müğənni Siara ölkəmizin qonağı olacaq. O, şəhərimizin məşhur klublarından birində konsert proqramı ilə çıxış edəcək. Xatırladaq ki, məşhur ulduz 2004-cü ildə “Goodies” mahnısı ilə dünyanın ən səs-küylü reytinq cədvəllərində ilk sıralarda yer alıb. İfaçının eyni adlı albomu 5 milyon nüsxəylə satılıb.

 

Sahilə Aslanova

 

Muz-Tv.az