“Nargis” jurnalının ilk sayı təqdim edildi

Rus dilində nəşr olunan “Nargis” jurnalının ilk nömrəsinin təntənəli təqdimatı keçirilib.  

   Rus dilində nəşr olunan “Nargis” jurnalının ilk nömrəsinin təntənəli təqdimatı keçirilib. Azərbaycan mətbuatında yeni və tamamilə fərqli bir üslub ortaya qoyan jurnalın baş redaktoru Ülviyyə Rəhmanovadır. Nəfis tərtibatı, zövq oxşayan dizaynı ilə flaqman rolu oynayan jurnal baş redaktorun anası - M.V.Lomonosov adına Moskva Dövlət Universitetinin Bakı filialının rektoru, tanınmış filoloq alim, professor Nərgiz Paşayevanın şərəfinə “Nargis” adlanır və üz qabığında onun şəkli yerləşdirilib.
   Moda və incəsənət aləmində oxucunun əsl bələdçisinə çevriləcək bu jurnalda mövsümün yenilikləri, dəb aləmində müasir tendensiyalar, kübar həyat, afişalar və s. ilə tanış olmaq mümkündür.
   O cümlədən “Nargis”də istedadlı heykəltəraşlar, rəssamlar, yazıçılar, rejissorlar, bəstəkarlar, opera müğənnilərinin yaradıcılıqları haqqında da məqalələr yer alacaq. İngilis dizaynerləri tərəfindən hazırlanan bu jurnal rübdə bir dəfə, 368 səhifə ilə oxucularının görüşünə gələcək. Nargis”in hər buraxılışında Azərbaycan və dünyanın məşhur ulduzları ilə eksklüziv müsahibələr və maraqlı məqalələr də dərc olunacaq.
   Onu da vurğulayaq ki, jurnalın təqdimatı professor Nərgiz Paşayevanın doğum günündə- dekabrın 13-də reallaşıb.

 

Muz-Tv.az