Bu gün Rəşid Behbudovun doğum günüdür

Azərbaycan musiqi tarixinin önəmli simalarından biri, mərhum xalq artisti Rəşid Behbudovun doğum günüdür. 

    Azərbaycan musiqi tarixinin önəmli simalarından biri, mərhum xalq artisti Rəşid Behbudovun doğum günüdür. Əslən Şuşadan olan sənətkar 1915-ci ildə Tiflisdə, vaxtilə bütün şərqdə tanınan xanəndə Məcid Behbudovun ailəsində dünyaya göz açıb. İfaçılığa 1930-cu ildən başlayan korifey, Azərbaycan Dövlət Filarmoniyasının, Opera və Balet Teatrının solisti, dövlət konsert ansamblının təşkilatçısı və rəhbəri olub.
    Səhnədə olduğu 55 il ərzində Rəşid Behbudov dünyanın 100-dən çox ölkəsinə səfər edib. Korifey sənətkar, həm də milli kinomuzda yaratdığı bənzərsiz rollarla da yaddaşlarda silinməz izlər qoyub. Rəşid Behbudov Azərbaycan xalq mahnılarının və bəstəkarlarının vokal əsərlərinin bütün dünyada məşhurlaşmasında müstəsna rol oynayıb. Dahi sənətkar 1989-cu il iyunun 9-da Moskva şəhərində vəfat edib.

 

Sahilə Aslanova

 

Muz-Tv.az