Qədir Rüstəmovun ölümündən bir il ötür

Xalq artisti Qədir Rüstəmovun vəfatından bir il ötür. Qarabağ xanəndəlik məktəbinin tanınmış nümayəndələrindən biri, bənzərsiz xanəndə olan sənətçi...

     Xalq artisti Qədir Rüstəmovun vəfatından bir il ötür. Qarabağ xanəndəlik məktəbinin tanınmış nümayəndələrindən biri, bənzərsiz xanəndə olan sənətçi 1935-ci ildə Ağdam rayonunda anadan olub. Əvvəlcə Azərbaycan Dövlət Musiqi Məktəbində sənətkar Hacıbaba Hüseynovdan muğam dərsləri alan xanəndə sonradan Ağdamda təhsilini davam etdirib. Qədir Rüstəmovun ifasında bir sıra muğam dəstgahları – “Rast”, “Çahargah” lentə alınaraq radionun fondunda saxlanılır. Məlahətli səsi və özünəməxsus ifa tərzi ilə seçilən Qədir Rüstəmov xanəndə kimi xalqın böyük rəğbətini qazanıb. Yüksək testituralı səsə malik Qədir Rüstəmov bütün registrlərdə səs keyfiyyətini nümayiş etdirməyi bacarıb. Onun ifasında “Sona bülbüllər” mahnısı xüsusilə sevilir. 
     2011-ci il dekabr 14-də Türkiyənin İstanbul şəhərində vəfat edən xalq artisti Bakı şəhərində dəfn olunub.

 

Sahilə Aslanova

 

Muz-Tv.az