“Tatu” qrupu 10 ildən sonra yenidən bir arada

Keçmiş “Tatu” qrupunun üzvləri Yuliya Volkova və Lena Katina yenidən eyni səhnəni paylaşmaq qərarına gəlib.  

  Keçmiş “Tatu” qrupunun üzvləri Yuliya Volkova və Lena Katina yenidən eyni səhnəni paylaşmaq qərarına gəlib. İfaçıların sözlərinə görə, əcnəbi kanalların birindən verilişdə iştirak barədə dəvət aldıqdan sonra bu fikrə gəliblər. Dekabrın 11-də qızlar yenidən səhnəyə çıxaraq iki “All the things She said” və “All about us” mahnılarını ifa edib. Qrup üzvləri öz mini konsertini 10 il əvvəl çıxardıqları albomlarının yenidən təqdimatına həsr edib. 
  Amerikalı kantri ifaçısı Teylor Svift yeni klipini təqdim edib. “I Knew You Were Trouble” adlı video çarxda müğənnini Riva Karni adlı kişi model müşayiət edir. Mahnı 23 yaşlı ulduzun “Red” albomuna daxil edilib. Klipin rejissoru Entoni Mendlerdir. 
  Hollivud ulduzu Hyu Cekman “Şöhrət xiyabanı”nda ulduza layiq görülüb. Sözügedən parkda aktyorun ulduzu sayca 2487-cidir. Cekmanla birlikdə mərasimdə həyat yoldaşı və iki uşağı da iştirak edib. Aktyora dəstək vermək üçün Enn Hetevey və Amanda Seyfrid kimi məşhur ulduzlar da tədbirə təşrif buyurub. Xatırladaq ki, onlar Cekmanla birlikdə “Səfillər” filmində rol alıb.

 

Sahilə Aslanova

 

Muz-Tv.az