Yerli şou-biznes ulduzlarından xəbər var

Tanınmış müğənni Sevda Yahyayeva Röya ilə münasibətləri haqda danışıb.  

   Tanınmış müğənni Sevda Yahyayeva Röya ilə münasibətləri haqda danışıb. O, Röyanın çox sülhpərvərliyindən və heç bir həmkarı ilə qalmaqalda olmaq istəməməsindən bəhs edib. “Mənim Röya ilə çox yaxşı münasibətim var. O, öz layihəsi ilə məşğuldur, mənim də işim çoxdur. Buna görə tez-tez görüşə bilmirik. Bir vaxtlar bizim də incikliklərimiz olub, amma hər şey artıq geridə qalıb\", - deyə o əlavə edib. 
   Gənc azərbaycanlı müğənni Günay İbrahimli tədbirlərin birində məşhur həmkarı Zarina Məmmədovanı şoka salıb. Belə ki, kökəlmək istəyən ifaçının torta “hücum” etməsi Zarinanı təəccübləndirib. “Mən kökəlmək istəyirəm. Heç olmasa 2 kilo. Ciddi sözümdür” -deyən Günay iki böyük dilim tort yediyi halda Zarina sadəcə baxmaqla kifayətlənib.
   Müğənni Rəhim Rəhimlinin yoxa çıxması barədə xəbərlər dolaşır. Efirdən uzaq düşən ifaçı yenidən Azərbaycanı tərk edib. Məsələyə aydınlıq gətirən Rəhimli xəbərlərin həqiqətə uyğun olmadığını deyib. “Vətəni tərk etməmişəm. Başım işlərə qarışıb. İki yeni mahnı üzərində çalışıram. Qoy, digər həmkarlarım ildə 10 mahnı buraxıb, bütün günü efirdə olsunlar. Mən hər kəsdən uzaq düşüb ildə 2 mahnı təqdim etməyi daha üstün tuturam.”
   Müğənni Elvin Abdullayev şou-biznesdə olan kişi ifaçılarını sərt tənqid edib. O, əksər həmkarlarının yaradıcılıq işlərində yenilik etmədiyini söyləyib. “Azərbaycan şou-biznesdə yenilik edən “Nömrə -1” kişi ifaçı yoxdur. Xanım ifaçılar arasında yenilikləri ilə yadda qalan xalq artisti Aygün Kazımova olsa da, kişi həmkarlarımdan hələ ki öndə gedəni yoxdur. Mənə elə gəlir ki, onların başı toya qarışıb, sənət və yaradıcılıq isə qalıb 2-ci planda”- deyə Elvin əlavə edib.

 

Sahilə Aslanova

 

Muz-Tv.az