Rəşid Behbudovun doğum günü qeyd olundu

Xalq artisti, dünya şöhrətli sənətkar Rəşid Behbudovun anadan olmasının 97 illliyi münasibətilə konsert keçirilib.

    Xalq artisti, dünya şöhrətli sənətkar Rəşid Behbudovun anadan olmasının 97 illliyi münasibətilə konsert keçirilib. Sənətkarın adını daşıyan Rəşid Behbudov adına Mahnı Teatrında bir çox sənətçilər əziz sənətkarımızın repertuarından müxtəlif mahnılar ilə onun xatirəsini yad edib. Başda xalq artistinin həyat yoldaşı Ceyran xanım olmaqla, yaxınları da bu gecənin qonağı olub. Təşkil olunmuş konsertdə ilk olaraq Rəşib Behbudovun lent yazılarından ibarət video nümayiş olunub. Bir vaxtlar böyük sənətkarla eyni səhnəni paylaşan, xalq artisti, qarmon ifaçısı Kamil Vəzirov öz xatirələrini bizimlə bölüşüb. Qızlardan ibarət rəqs qrupu gecəyə xüsusi maraq qatıb. Aparıcılıq missiyasını yerinə yetirən əməkdar artist Gülyanaq Məmmədova öz ifası ilə tamaşaçılarda xoş əhval-ruhiyyə yaradıb. Çıxış edənlər sırasında əməkdar artist Teymur Əmrah da yer allıb. O, da həmkarları kimi sənətkarın musiqisinə üz tutub. Əməkdar artist bildirib ki, sənətkar haqqında yazılmış kitabı oxuyarkən onun rəsmi titullarını bir gün ərzində oxuyub, tamamlaya bilməyib.
   Rəşib Behbudov adına mahnı teatrında çalışanlardan Vaqif Şıxəliyev də xalq artistinin repertuarına müraciət edib.

 

Səbinə Zöhrabqızı
Vüsal Həşimov

 

Muz-Tv.az