İbrahim Tatlısəs xəstəxanaya yerləşdirildi

Türkiyənin tanınmış müğənnisi İbrahim Tatlısəsə soyuq dəyib.  

   Türkiyənin tanınmış müğənnisi İbrahim Tatlısəsə soyuq dəyib. Səs tellərində yaranmış rahatsızlıq ucbatından müalicə üçün onu İstanbuldakı Acıbadəm xəstəxanasına yerləşdiriblər. Türkiyə mətbuatının məlumatına görə, o bir neçə gün xəstəxanada saxlanılacaq. Hazırda tanınmış müğənni müalicə olunur. 
   Britaniyalı rok qrupu “Muse” “Follow Me” mahnısına çəkilən yeni klipini təqdim edib. Mahnı kollektivin “The 2nd Law” albomuna daxil edilib. Video çarxın əsasında qrupun fəaliyyəti ərzində keçirdiyi konsertlər dayanır. Bundan əvvəlki “Madness” klipində olduğu kimi bu ekran əsərində də dab-step elementlərinə rast gəlinir. Bu da video çarxa daha da dinamik görüntü verir. Qrup üzvlərinin sözlərinə görə, fanatlar klipi izlədikdən sonra onların konsertlərinə gəlməyə can atacaqlar. Mütəxəssislərin fikrincə, bu, reklam strategiyasıdır. 
    Müxtəlif səbəblərə görə, Avropanın 4 dövləti gələn il İsveçdə keçiriləcək «Avroviziya» mahnı yarışmasında iştirak etməyəcək. Türkiyənin «TRT» televiziyası da bu yarışmaya qatılmayacaqları haqda bəyanat verib. Qurum bildirib ki, Avropa Yayın Birliyi üzv dövlətlər arasında ayrıseçkilik edir: «Almaniya, Fransa, İngiltərə və İtaliya son illərdə uğur əldə etməsələr də, yarım finala qatılmadan finalda yarışırlar. Biz bunu haqsızlıq sayırıq.”
    Amerikalı müğənni Selena Qomes Teylor Sviftin “I Knew You Were Trouble” mahnısının sədaları altında rəfiqələri ilə etdiyi rəqsi lentə alaraq internetdə yerləşdirib. “Dostlarımla sevimli musiqimizi dinləyərkən dəcəllik edirik. Rəfiqəm Qvenə xoreoqrafiyaya görə təşəkkür edirəm”,- deyə Selena videoya şərh yazıb.

 

Sahilə Aslanova

 

Muz-Tv.az