Xuraman Şuşalı və dağıstanlı müğənnidən möhtəşəm konsert

Bakının bu dəfəki qonağı dağıstanlı müğənni Marina Əliyeva olub. Müğənni Xuraman Şuşalı ilə eyni səhnəni paylaşan ifaçı sevənlərini...

   Bakının bu dəfəki qonağı dağıstanlı müğənni Marina Əliyeva olub. Müğənni Xuraman Şuşalı ilə eyni səhnəni paylaşan ifaçı sevənlərini “Narkotikə yox deyək” şüarı altında bir araya toplayıb. Şəhərimizə artıq ikinci dəfə təşrif buyuran Marina azəri mətbəxinə yaxından bələd olduğunu söyləyib. 
   İfaçı qonaqların hələ ki, gəlməməyindən istifadə edərək məşq prosesinə başlayıb.Gecə boyu yerli ulduzlarımız da müğənnini tək buraxmayıb. 
   Səhnədə yer alan Xuraman Şuşalı öz hit mahnılarını səsləndirərək tamaşaçılarda maraqlı ab-hava yaradıb. O, hətta sevənlərinə yeni duetlərini də təqdim edib.Müğənni keçirilən bu konsert haqqında da öz düşüncələrini paylaşıb.
   Hüseyn Dərya da bu günlə bağlı fikirlərini bölüşüb və müğənni həmkarı Xuraman Şuşalıya zarafatyana söz də atıb.Gecənin irəliləyən dəqiqələrində Dj Çina öz ritmləri ilə gələn qonaqları əyləndirib.
   Ən sonda isə müğənni Marina səhnəyə çıxıb və tamaşaçılar arasında əsl musiqi çoşqusu yaradıb. Gecədən zövq almağa çalışan gənclərin bəziləri rəqs edib, bəziləri isə elə yerindəcə əylənib.

 

Sərvər Mehdiyev
Vüsal Babayev

 

Muz-Tv.az